網上流傳一段校巴躁司機狂「爆粗」與的哥爭執的影片，惹來網民熱議。事發於今日（25日）早上約7時，一輛校巴停泊在黃大仙竹園翠竹花園準備接載學童上學，其間一名的士男司機欲將的士駛離泊位，卻被校巴擋路，於是響咹要求校巴讓開。未料校巴男司機不滿上前理論，雙方發生爭執，校巴司機在學童面前粗口橫飛，更疑出手襲擊的士司機。事件驚動警員到場，幸警方經調查後證實無人受傷，列作糾紛處理。不少網民留言直斥校巴司機不是，認為他不應該「喺小朋友面前爆粗」，又形容他「好躁火」、「情緒嚴重失控加崩潰，非常恐怖」。從涉事片段所見，當時校巴司機與的士司機發生爭執，的士司機全程拍下經過，其間向校巴司機稱：「我呠咗一聲咋喎。」惟校巴司機反指對方：「你睜大隻眼咁大聲，做乜X嘢！」的士司機不甘示弱，稱：「我呠一聲你咁惡！我有車Cam影到你架！」校巴司機未有理會，當時亦有家長帶同學童上校巴，校巴司機當着學童面前大罵的士司機：「人哋學生喺度上車，見X住你，啱啱上車之嘛，喺度呠呠呠！」惟的士司機向家長直斥校巴司機，「你見到呢啲人嘛，你個仔女俾呢啲人車？」雙方爭執越演越烈，的士司機未肯罷休，一直拍攝校巴司機，其間校巴司機亦取出手機反拍的士司機，並表現激動不斷爆粗：「X你老X，你唔好喺度挑釁我呀，你挑釁我我打X你！」校巴司機作勢上前，欲揮拳襲擊的士司機，有家長見雙方爭持不下上前勸阻，呼叫：「嚇親啲小朋友呀」、「唔好打啦，唔好打。」混亂中，的士司機懷疑被校巴司機擊中，他不斷高呼：「報警」、「打咗人，報警呀！」此時有在場家長見校巴遲遲未開車，於是再次出言勸阻，「啲小朋友返學遲到喇」、「係呀報警，你唔好嚇親我個仔」。其後校巴司機一度走往校巴準備開車離開，惟的士司機喝停：「你唔好走呀」、「你唔好郁呀，報咗警呀，冇得走呀！」事件最後要由警員接報到場處理，但警員到場時雙方已冷靜下來，並證實無人受傷。《星島頭條》致電涉事校巴的保良局錦泰小學，惟校方表示正內部處理事件，暫不作任何回應。
