老一輩的人可能會覺得現今的青年過度依賴電子科技，缺乏與人真正交流，但年輕人更注重即時的溝通，認為社交媒體更便於維繫關係。
「放低手機啦後生仔，多啲同人面對面傾下計。」
「有咩直接喺手機訊息講咪仲好，最好連電話都唔好打嚟啦。」
「而家年輕人連節日都淨係send段文字祝福，或者send張圖，我擔心你哋到時唔識同人喺現實傾計啊。人係應該控制科技，而唔應該俾科技控制翻轉頭。」
「其實中意用手機通訊都係因為方便，而且可以留底，開心嘅傾計回憶仲可以睇翻回味。」
「係就係方便，但成日睇住手機，唔單止傷眼睛，更加令人成日『心思思』，時時都想望下手機，睇下有冇搵自己。」
「咁你又講得啱，尤其喺社交媒體上面，大家都傾向表現自己生活美好嘅一面，隱藏唔開心嘅一面，有時見到自己冇其他人生活咁好，都會悲傷、焦慮啲。」
「所以後生仔，遇到呢啲負面情緒，就好放低手機，陪下身邊人傾傾計、出街行下，感受下真實世界同其他人俾你嘅關心，唔好沉迷網絡世界喇。」
「所以網絡、科技真係兩刃劍，的確我哋要時刻反思自己係控制緊科技，定俾科技控制翻轉頭。」
有時看到「後生仔」常常看著手機，甚至節日就這樣傳送一句「中秋節快樂」、「新年快樂」就當是祝福；外出時又「手不離機」，缺乏與親友溝通，長者既擔心他/她未來與人相處，又覺得和年輕人隔了一道屏障一般。
科技發展一日千里，青年人一出生已經有手機、平板陪伴成長；但對長者而言是，度過了大半生，才第一次要接觸電子科技。青年人已經習慣不時用「訊息」來解決生活大小事、與身邊人溝通，但長者數十年以來都是面對面與人溝通，與親友，甚至街坊建立關係，所以難免覺得青年人不懂得待人接物，甚至失去了與身邊人連結。
年青人若能加以培養聆聽、溝通、解決問題的能力，配上使用科技的優勢，定能在學校、職場做得更好，更能與身邊人建立親密的關係；不過，有時也不忘放下手機，和長者好好聊天。
