以前讀書機會不普遍，老一輩高學歷的人相較今天不算多，因此他們更傾向相信權威；年輕人則因為生於資訊時代，習慣了從網絡上尋找答案。
「對於唔識嘅問題，不如聽下啲專家點講啦！」
「上網問『連登/Google/Facebook大神』仲好啦！」
「咩係『連登/Google/Facebook大神』？」
「『上網問連登/Google/Facebook大神』係指無論有咩唔識嘅事，都可以喺網絡世界或者網絡搜尋器搵到答案。」
「雖然互聯網世界資訊應有盡有，不過當中亦有好多不實資訊、內容農場（即係抄襲其他網站文章，從而取得點擊數目並賺取廣告費，有啲更涉及假新聞），所以唔應該上網搵資訊，問專家就最好。」
「雖然互聯網係有啲不實資訊，但如果閱讀嘅時候小心求證，睇多啲唔同資料，網上資源都有參考價值。但當需要更多資訊、建議時，當然都應該搵專業人士請教。」
「所以我都話搵專家、專業人士請教就最好，佢哋可以俾一啲可信嘅建議。配合埋閱讀書籍、參考傳媒（例如報紙及電視），就更可以搵到準確嘅答案。」
「不過上網可以隨時隨地搵資料，真係好方便。年輕人成長於科技、網絡嘅世界，已經慣咗從互聯網搵資料，網上世界又方便又豐富，比傳統媒體更加快捷，仲可以喺討論區了解唔同人嘅睇法。」
「而我哋長者以前高等教育尚未普及，多數長者可能讀到小學、初中就已畢業。所以，我哋一般對於接受高等教育、專業教育嘅人士會抱持一種尊重，同時亦習慣於喺傳統方式接收資訊，尤其係報紙及電視。」
不知道你又是以上哪種人呢？長者一般較傾向使用傳統媒界獲取資料，尤其是報紙、電視節目、書本，因為在這些媒體上亮相的大都是專業人士；年輕人則較常在網上找資料，然而雖然非常便利，但研究 亦指出正正因為如此便利，許多人網上看完答案都很快忘記答案，覺得即使忘記了下次都可以再查。相對到圖書館找書籍，大部份受訪者都指沒有時間去圖書館閱讀。
長者之所以使用傳統媒界，除了因為對專業人士的一種高度信任，更因為學習能力下降，使他們較難學會新科技。年輕人，你們又注意到長者使用科技時的困難嗎？
