老一輩大多認為生活應該做好規劃，萬事做足準備；而今時今日大多年輕人都相對較隨性，比較講求效率，亦可能有更多即興安排。
「做事要有計劃，有兩手準備。好似去旅行咁，跟旅行團有人幫你安排晒就最方便；就算真係自由行，都預先買本旅遊書，搵定好景點、交通公具，寫埋出嚟，咁到時就萬無一失。」
「我就唔認同啦。有效率，識『執生』，比有計劃更重要！旅行唔好俾計劃框死，遇到想去嘅地方、想食嘅餐廳，隨時即興就去！尤其係而家有唔同手機應用程式同網上平台，幫助我哋隨時隨地都可以搵資源。」
「雖然係咁姐，但如果有緊急事情發生咁咪不得了！例如去咗新地方但之後迷路，咁就麻煩喇。都係有計劃安心啲……」
「按心情行事，先至過得開心嘛，下下要計劃，又或者計住計住，生活好辛苦！人生就係好多未知，好多事都未必按計劃發生。」
「唔係架，好似預約咗覆診、約咗朋友飲茶，通常都提早知道，如果臨時改計劃，好影響其他人。冇計劃嘅話，個心有時會好唔安定、好焦慮，例如怕迷路，又會怕麻煩到人……」
「咁我都明白嘅，不過生活大部份小事，我哋年輕人都覺得盡量用最有效率嘅方法去達到目標，而唔洗事前計劃太多。」
你的生活態度又是以上哪一種？不論是學習、工作，甚至平常閒暇、假日，青年人都較長者「隨性」、「即興」。年青人講求效率，不用花太多時間，但以正確的方法得到需要的東西，尤其時常使用他們最拿手的科技；長者則較常透過傳統方法計劃，計劃能減少不確定性，長者因為身心轉變，一般較難適應變化及新環境，還會因此感到焦慮。聽聽另一代的心聲，你聽出他們對計劃的信念嗎？
