一隻貓貓早前離奇危站樂富廣場欄桿外的鐵架上，網民心急拯救之餘，也擔心是否有擲貓狂徒出沒虐貓，隨手把貓咪掉出圍欄。大命橘貓幸得熱心人到場救起，知情人士之後透露事件因由，並帶出貓咪真正身分……樓主日前在facebook專頁「黃大仙區友（黃大仙，新蒲崗，鑽石山，慈雲山……）」以「樂富廣場唔知邊個掉咗隻貓落去」為題上載相片及短片，見到貓貓危站廣場欄桿外的鐵架上，偶然回望鏡頭。由於擔心貓貓安危， 一眾網民皆心急拯救——呼籲「可唔可以幫幫貓咪呀」，有人建議「可能用罐罐引佢，會識得爬返上嚟嘅」、「救咗未？ 無我拎條毛巾畀佢試下抓唔抓到？」。雖然樓主擔心有狂徒把貓掉落架上，但也有網民指「（貓）自己跌落去唔係無可能」，並指「附近公園同佛教醫院久不久有浪浪（流浪貓）出沒」。接著有好消息傳出，有網民上載一個大行李袋，指貓貓「成功救咗」，並有知情網民澄清「隻貓咪本身係浪浪，係唔知點樣掉咗落去，非人為」、「其實係義工落去救返（我只係負責打電話畀佢），係貓仔，依家暫託喺義工屋企，佢會安排領養事宜」、「好彩的係，義工去到隻貓B仲喺度，捕捉的過程都好順利，好感恩」。另有好記性的網民上載舊照，表示記得「幾年前，都係呢個位嘅假天花，都出現過一隻貓BB ，當時有被救起」。—-《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
