房屋局局長何永賢（Winnie）話，去年12月底公布開展彩虹邨重建研究嗰陣，曾同團隊講過，會喺農曆年前後落區收集意見。周三早上，佢就聯同工聯會立法會議員鄧家彪和多名區議員，到彩虹邨一間老牌快餐店，同老闆街坊邊食早餐，邊傾下點樣再「建」心中嘅彩虹。Winnie話，唔少街坊都希望，未來嘅彩虹邨，除咗保留繽紛色彩，亦可保留邨內一啲有多年歷史嘅標誌性物件，並擺喺邨內展示，記下呢份濃濃鄰里情。佢強調，負責重建嘅團隊，會細心透過問卷，記低居民建議，而喺呢一年嘅重建研究中，局方亦會持續收集建議。Kelly Chu
