「冬日動感之旅」 刺激好玩4D體感互動遊戲及AI照相館喺今個聖誕，新鴻基地產旗下新蒲崗MIKIKI以及屯門卓爾廣場，聯同Market Trend互動體驗遊戲製作公司特別打造新穎、刺激又好玩嘅「冬日動感之旅」，令聖誕唔再係單純打卡咁簡單。喺依家到明年1月1日期間，兩大商場變身成雪國村莊與幻彩森林，由AI技術創作嘅兩位Pixel Sports主角Bruce及Charlotte會喺雪國村莊帶領各位參加者投入沈浸式數碼體感互動之旅，包括4D體感互動遊戲「4D滑雪大挑戰」需要擺動身體避開賽道中嘅障礙物，加上特效吹風機送上陣陣冷風，帶嚟雪地迎風飛馳嘅體驗；為迎合冬日主題，商場仲推出「桌上冰壺遊戲」，大家身在香港都可以體驗雪地冰壺運動。另外，MIKIKI更獨有「GOAL足球神射手」，大家可以化身足壇明星，全力將足球射向觸控屏幕，挑戰自己嘅射術。The Point會員憑指定The Point積分，或以即日電子貨幣消費滿指定金額就可以參加㗎啦！MIKIKI亦帶嚟全港首個商場智能AI照相館，融入嶄新科技，為大家創作充滿聖誕氣氛嘅AI短片。拍攝AI短片後，只需掃瞄二維碼即可下載並分享聖誕喜悅。The Point會員憑指定積分及即日電子貨幣消費滿指定金額，可以參加趣味工作坊。喺「療癒浮游花瓶工作坊」，大家可以將自選乾花材料配上專用礦物油，製成通透唯美嘅質感小花瓶，為家居添上和諧冬日氣息。Cally■4D滑雪體驗賽道場面逼真，加上特效吹風機即時送上陣陣冷風，真有喺雪地迎風飛馳嘅感覺。
