網上今日（24日）流傳一段片段，可見一部客貨車昨日（23日）下午5時許，停泊在牛池灣清水灣道落斜近彩虹站位置。當客貨車司機落車打開車尾時，狹窄車廂空間內，竟有多達7人先後魚貫而出，猶如變魔術，令人咋舌。另外，客貨車司機落客期間，旁邊不時有車輛及巴士駛過，十分危險。片段流傳後引起網民討論，有人笑言「歡樂滿東華」、「以為去咗印度」、「97年喺赤鱲角機場地盤，日日都係咁嘅情況，佢算少人啦，當年見親起碼超過12人落車」；亦有人認為「地盤收工，好遠地方冇車坐，冇巴士的士唔去先會咁，唔好搞人啦」、「應該都係地盤收工，荒山野嶺，高抬貴手啦師兄」。
