FB群組「香港突發事故報料區及討論區」昨日（6日）流傳一段短片，可見有兩名警員，夜晚在慈雲山雲華街中央遊樂場對出，截停一名頸掛相機少年，懷疑少年亂行出馬路。期間一名女警苦口婆心地訓斥，向少年直言「如果一車車到你……你阿爸阿媽好慘」，引起網民討論。片段全長約1分半鐘，確實時間未明。可見有女警在上址行人路位置，厲聲斥責一名少年。這名少年身穿黑衫、頸掛相機，單手插在褲袋不發一言。女警訓斥這名相機少年：「我講得啱唔啱先？我知你唔滿意，但我講嘅係事實！我而家可以話畀你聽……態度唔好，如果一車車到你……你阿爸阿媽會好慘。我講咗幾多次呀！啱唔啱呀？啱唔啱呀？唔好再係咁啦喎！」與此同時，畫外亦有一名男子聲音贊同女警，表示「師姐唔該曬你，麻煩你教吓」。片段流傳後引起網民討論，有人直言「撐madam」、「直接拉返去局等家長接」、「佢的身體語言已經出賣左佢，完全聽唔入耳」、「佢諗梗轉頭去邊度再影好」；亦有人發現，該名少年與早前平安夜慈雲山巴士總站內，與九巴職員互相對罵的巴士迷相似，懷疑是同一人再次追影巴士，今次則被警員發現截停。
