只要你願意快樂其實就可以自己製造！慈雲山中心今個夏日就邀請咗來自日本嘅至萌人氣文具品牌角色Fueki君（漿糊仔），聯同慈雲山中心可愛吉祥物Dreamy Friends嚟到「Fueki DIY快樂製造所」，為大家帶來歡樂。
為咗俾大家感受快樂嘅氛圍，「Fueki DIY快樂製造所」設有4大打卡位，方便大家影低每個快樂時刻，好好紀念。其中最矚目嘅一定係首次以4米吹氣造型現身慈雲山中心3樓室外位置嘅萌爆Fueki，歡迎大家嚟商場製造快樂。
此外，Fueki君亦同慈雲山吉祥物Dreamy Friends約好喺5樓嘅「Fueki DIY快樂製造所」，為大家生產一罌又一罌漿糊，將快樂傳遞。去到商場2樓仲有闊6米嘅立體寫真館，俾你同Fueki漿糊仔，以及Dreamy Friends嘅阿慈、阿雲同阿山一齊笑住打卡。
周末亦會舉辦工作坊俾Link Up會員發揮創意，只要喺商場以電子消費每滿$50就可以得到1個印花，儲滿8個印花，即可換領「五顏六色Fueki DIY工作坊」名額一個。工作坊俾大家盡情製作專屬嘅Fueki君，仲有機會帶全球首次發行嘅「慈雲山別注版」Fueki君返屋企，同試試「慈雲山限定口味」粒粒雪糕𠻹。
